Bizkaiko tokirik ederrenetako batean kokaturik dago Egoitza, Busturia herrian eta Urdaibaiko Biosfera Erreserbaren bihotz-bihotzean.

Gernika-Lumo (8,5 Km-ra) eta Bermeo (6 Km-ra) herrien erdi bidean, Busturialdeko eskualdearen parte da, Mundakako errekaren ezker ertzean, Oka ibaiaren estuarioak bustitzen du, Sollube mendiaren itzalean eta Kantauri itsasoaren urertzean.

Egoitzak hiru sarbide posible ditu. Mendebaldetik bat (BI-2235 errepidetik) oinezkoentzat bakarrik prestatua, bestea hegoaldetik (tren geltokirako saihesbidea hartuta) oinezkoentzat eta kotxeen aldizkako sarrera/irteerentzat egokitua, eta hirugarrena ekialdetik (tren geltokirako saihesbidea ere hartuta) oinezkoentzat zein egoiliarren senideen eta lagunentzat 40 autorentzako parking-arekin gaitua.

Sarbide guzti hauek mugikortasun mugatua duten pertsonentzat prestatuta daude.